گالاکسی تەقەلا دەێد ئەڵقەی زیرەکیگ بخەێدە بازاڕ
2023-10-11T10:08:28+00:00
شەفەق نیوز/ کۆمپانیای سامسۆنگ ها لە قۆناغ وەرەونواچگن ئەڵقەی گالاکسی، مەزەنەکریەد لە ماوەی دوو ساڵ ئیندە بخریەدە بازاڕ.
لە لە راپۆرتیگ گۆڤار "The Elk" کۆریای باشوور بڵاویکردیە، باس لەوەکەێد هاتێ سامسۆنگ هەوەجە ئەرا تەختە بازنەی کۆمپانیای میکو ژاپۆنی بوەێد ئەرا وەکارهاوردن لە دروسکرد "ئەڵقەی گالاکسی"، لەباوت بڵاوکردنەگەی وەپای راپۆرتیگ نوو هاتێ کۆمپانیاگە بڵاوکردنەگەی دویابخەێد ئەرا ناوڕاس ساڵ 2024 یان سەرەتای 2025.
هاتێ سامسۆنگ تایبەتمەنی هاوشیوەی ئەڵقە زیرەکەیلتر پیشکەش بکەێد کە لە وەرین خریانەسە بازاڕ جویر "ئەڵقەی ئۆرا"، چوینکە ئەڵقە زیرەکەگە توەنێد گشت ئەو کارەیلە بکەێد کە ساعەت زیرەک ئەنجامی دەێد، جویر چەودێریکدن ترپەی دڵ، وەدویاچگن ئەرا خەو، شمارەی گامەیل راهێنن توومارکەێد.
