ئاشکرا کردن نهێنی گومابوین فڕۆکەگان لەبان سێسویکەی بەرمۆدا
شەفەق نیوز/ شین ساتیرلی پسپۆڕ ئوسترالی، راگەیان ئەوگ شایەت لە گومابوین پەنج فڕۆکە و تاخمەگانیان لە سێسویکەی بەرمۆدا وەرجە ٧٥ ساڵ کرد.
٥ فڕۆکەی جەنگی سەروە دەریایی ئەمریکا، لە کانون یەکەم ١٩٤٥ وەناونشان کاروان ١٩ لە فڵۆڕیدا باڵگردن لە ئەرکیک راهێنانی جوور بەشیگ لە کاروانیگ لە ژیر فەرماندەیی مولازم چارڵز تیلۆر، و تاخمەگەی ١٤ کەس بوین.
فڕۆکەگان دویای رەسینیان وە سێسویکەی بەرمۆدا لە رووبەریگ رەسێدە ٤ مەلیۆن مەتر چوارسویکە.
سێسویکەگە هالە ناوبەین کناراو باشوور خوەرهەڵات ئەمریکا و بەرمۆدا و بۆرتوریکۆ.
هەمیش فڕۆکەی رزگارکردنەگە ک مینەی فڕۆکە گومابویەگان کرد، ئەویش وە گەرد ١٣ کەس لەناوی گوما بوی.
ساتیرلی وتیش؛ چەن کەسیگ بووچونەیل ئەڵاجەویگ دان، گوایە چشتیگ نا سروشتی رووداگە، و لێکۆڵینەوەگە ئەوە دەرخست ک هەنای تاریکەو بوی و کەشوهەواگە ئاڵشت بوی، تیلۆر فڕۆکەگان وەرەو شوونە هەڵەگە رەوانە کرد، فڕۆکەگان دویای داوەزینیان لەبان ئاوەگە وە کەمتر لە یەک خولەک خنکیان، و لەی جوور رووداوەیلیگ هەمیشە پارچەیل فڕۆکەگان پەیا نێەوون، وئەیە لە رای خوەی نهێتی گومابوینەگەس.
وتیش؛ فرەی ئەو فڕۆکەوانەیلە ک لەناو کاروانەگە بوین لە راهێنان بوین، و وەشیوەی خاسیگ ئەرا وەکارهاوردن فڕۆکەگان وە شەوانە یا لە کەشوهەوای سەخت راهێنان نەکریانە، و دووپاتکرد ک ژمارەی کەشتی و فڕۆکەگان م لە سێسویکەی بەرمۆدا گوما بوینە لەو بەشەگان تر لە دەریاگان فرەتر نییە.
تیلۆر لە کۆتایی قسەگانی وت: ئەگەر ١٠٠٠ فڕۆکە لەبان سێسویکەی بەرمۆدا باڵەو کردن و بتوێتیمن بویشیمن چە وەسەر ٩٩٠ لەلیان هات، ئەوە واتە ک ئەوەک وەسەر ئەو ١٠ فڕۆکەگە هات کاریگ نا سروشتییە؟، لەلای من ئیجوور چشتیگ نییە.
ئاماژەس ک لە دویادویای مانگ کانون دوویەم ٢٠٢٠، کەشتییگ دینەو ک وەرجە ١٠٠ ساڵ لە سێسویکەی بەرمۆدا گوما بویە.
تۆێژینەوەکارەیلیگ لە زانکۆی ساوتهانبتون لە ئاب ٢٠١٨، وتن: ک خوەیان ئاشکرای نهێنی گومابوین کەشتیەگان لە سێسویکەی بەرمۆدا کردن، و دووپاتکردن کەشتیەگان لەوەر ئەو شەپۆلەیل گەپە فەوتیان ک بەرزییان رەسێدە ١٠٠ پا.
