ئاشکەراکردن سکەێل مێژوویی لە کنار چەمیگ لە ئەڵمانیا
شەفەق نیوز/ وەگورەی هەواڵیگ لە ماڵپەڕ تەڵا، وە لایەن لایۆساینس، فرەتر لە 5500 سکەی زیو ک نزیکەی 1800 ساڵ وەرە ئێسە لە کنار چەمیگ لە شار ئاڤگسبۆرگ ئێسەی ئەڵمانیا لە ژیر خوەڵ شاریایە، وە لایەن شۊنەوارناسەێل پەیاکریایە.
لە مەوقەی شاردنەوەی ئی سکەێلە ئمپراتۆر رووم لە ئەوپەری وە هێزی بۊیە سکەێلە وە گشت ناوچەێل ژیر دەسڵاتی و بگرە فرەتریش بڵاوکریایە.
وەگورەی قسەێ شۊینەوارناسەێل ئی سکە لە جۊر «دناریی» وە مانای سکەێل ئستاندار زیو تێد لە مابەێن سەدەێل یەکەم تا سێیەم وەکار هاوریایە.
شۊینەوارناسەێل ئی سکەێلە وەرجە ماوەیگلە کنار گڵاڵیگ پەیاکردن ، سکەێلە لە دۊری کەمیگ لە یەکتر لە ژیر هۊیردە سەنگ شاریابۊین باوجی گومان کرێد لە سەرەتا وەی جۊرە نەشاریانە.
شۊینەوارناسەێل لەو باوەرەن شۊین یەکەم ئی سکەێلە دۊیایی چەن سەدەێگ وە مدووی لاوفاوێگ لە ئاڵشتبۊیە، سکەێلە ئەرا کنار چەمەگە هاوردیە.
لێکۆڵەرەێل تا ئیسە هووکار شاردنەوەی سکەێلە پەیا نەکردنە.
