ئاشکراکردن دویاترین وینەیل شاژن ئێلیزابێت وەرجە مردنی
شەفەق نیوز/ ئەو خانمە وینەگرە ک دویاترین وینەی گشتی ئەرا شاژن ئێلیزابێت دویەم وەرجە مردنی گرد، ئاشکرای ئەو دیدارە کرد.
سایت "سکای نیوز" بەریتانی وت: جین بارلۆ خانمە وینەگر کۆمەڵگەی رووژنامەوانی ئەرا قەڵای بالمورال کلکرد، تا وینەی پیشوازیکردن شاژنەگە لە لیز ترەس خانمە سەرۆک وەزیرەیل نوو بگرێد.
وتیش: بارلۆ چەن وینەیگ ئەرا شاژن لە مەوقەی چەوەڕیکردن رەسین ترەس ئەرا ماڵەگەی لە ئەسکوتلاندا گرد.
جین باس شاژن کرد ک لە تەمەن ٩٦ ساڵان دویاکووچی کرد، وت: هاز نەیاشتیە، بوجی مۆڕاڵی خاس بویە، وتیش باس کوڵیگ وەرد شاژن کردیە، دەربارەی کەشوهەوای ئەو رووژە، وتیش: زەردەخەنەیل فرەیگ نشان دا.
هەمیش وت: گردن ئەو وینەیلە شەرەف و وشانازییگ راسی ئەرام بوی.
جین بارلۆ وتیش: رەسیمە ئەولا ئەرا وینەگردن دیدار ئێلیزابێت وترەس، باوجی خاسترین وینە لەلای من ئەو وینە بوی ک شاژن لەناوی وتەنیا بوی، ودیارە ئیرنگە یە گرنترین وینەس.
