٥٠٠ پاسکیل لەماڵ پیاویگ پەیا کریەێد
2022-03-31T07:19:06+00:00
شەفەق نیوز/ پیاویگ لە وڵات بەریتانیا لێکۆلینەوە وەگەردی کریایە لەوەر ئەوە زیاتر ٥٠٠ پاسکیل لە حەوشەی پشت ماڵەگەی پەیاکریایە، ئەوەنە بەرزەوبۊیە لە نەخشەی گۆگڵ دیار دەێد.
وەگورەی ماڵپەر " ئۆدیتی سینتراڵ" پیاویگ ٥٤ ساڵ لە مانگ گوزەشتە دەسگیر کریا، دۊای ئەوەگ هاوسایەیلی لە ناوچەی "ئۆکسفۆردشیر" زانیاریی لەبان پیاوەگە دان و گلەیی فرەیگ داشتن، وە جۊریگ حەوشەی پشت ماڵەگەی ئی پیاوە شمارەیگ فرە پاسکیل لەناوی بۊ و مۊش فرەیگ داسە ناوی، مەوقەی پۆلیس چگە ئەرا ئی شۊنە لەخوەیانە شمارەی کەمیگە، باوجی مەوقەی نزیک بۊنەو ئسفاکردنە زیاتر لە ٥٠٠ پاسکیل لەو شۊنە بۊیە.
پۆلیسەیلە ئۊشن ئەو شمارە فرە لە پاسکیلە نزیکەی پەنج ساڵە پیاوەگە جەمیان کردیە و دزیەسیان و لەبان یەک کەڵەکەیان کردگە، شمارەیان ئەوەنە فرەس تەنانەت وینەگەی لەبان نەخشەی گۆگڵیش دەرچگە.
