پارچە ڤیدیۆیگ ئازایی ژنیگ لەنوای دزیگ لە لەندەن نشان دەێد

شەفەق نیوز/ ژنیگ لەناو دوکانیگ، ئازایی گەورەیگ نشان دا، هەنای نوای دز باڵابەرزیگ گرد، لەناو ئەو ڤیدیۆ ک لەبان ماڵپەڕەیل سۆشیال میدیا بڵاو بۊی.  

کامیرایل ناو دوکان بۊچکیگ لە لەندەن پایتەخت ئینگلترا تەقەلای دزیکردن پیاویگ هەڵکەفتی و وەیرەداری ژنیگ نشان دان.  

لەو پارچە ڤیدیۆ، ژنیگ لەناو دوکانەگە بۊی، و وەناکاوەو پیاویگ دەمچەو پیچیاگ و سەرتاپا سیا کردیەسە وەر هاتە ناو دوکانەگە، و کوتەکیگ دراورد و هەڕەشەی خانمە بفرووشەگە دا، و داوا کرد پۊل بخێدە ناو کیفەگەی دەسی.  

لە وەختیگ دزەگە مەزەنە کرد ئەو ژنە زاڵەی بچوود و لەناو دوکانەگە بواێد، باوجی نوای گرد و دەسیش لەلی وەشان، و هەنای ژنەگە کەفتە بان زەۊ، دزەگەیش وە دەس پەتی دوکانەگە هیشتە جی.