پەیابوین زەڕافەیگ "بی خاڵ" لە باخچەیگ ئاژەڵەیل ئەمریکا.. وینە
2023-08-22T12:04:07+00:00
شەفەق نیوز/ لە یەکیگ لە دەگمەنترین دیاردەیل جەهانی ئاژەڵ، زەڕافەیگ وەچکەیگ وەبی خاڵ زایە، کە هاتێ تاکە زەڕافەیگ بوود لە جەهان وەی شیوە.
باخچەی ئاژەڵەیل برایتس لە ویلایەت تێنسی ئەمریکا لە 31 تەمموز، میوانداریی زایین وەچکە زەڕافەیگ کرد، هەرلیوا تایبەتمەنییەگەی وە ڕەنگ قاوەیی یەکپووش وەبی لەکە بوی، کە لە گشت زەڕافەیگ ناسیاگ جیاوازترە.
وەگورەی ئامارەیل باخچەی ئاژەڵان، زەڕافەگە 182 سانتیمەتر بەرزە و لەژیر چەودیاری داڵگی و کارمەنەیل باخچەی ئاژەڵەیل ئەوزەڵ کەێد.
باخچەی ئاژەڵەیل برایتس راگەیانیە، ئومیددارن زایین نائاسایی دەسمیەتی بیەێد کە رووشنای بخەێدە بان ئەو سەختیەیلە کە زەڕافەیل جەهان وەخوەیان دوینن.
