کابرایگ هیندی دۊای یەک رووژ لە مردنی گلەو خوەێدە ناو خیزانەگەی
شەفەق نیوز/ ویلایەت تامبڵ هندستان، لەی دۊاییە کار ئەڵاجەۊییگ وەخوەی دی، ک پیاویگ دۊیای ئەوە ک مرد و نریا خاک، دۊای ٢٤ ساعەت ئەرا ماڵەگەی خوەی گلەو خوارد.
مورتی لە تەمەن ٥٥ ساڵان، هەنای دۊای یەک رووژ لە خاکناینی ئەرا ماڵیان گلەو خوارد، سەرسام خیزانەگەی کرد.
وەگوروی رووژنامەی "تایمز ئۆف ئیندیا"؛ مورتی لە شاریگ تر کار کردیاد، باوجی پەیوەندییگ ئەرا خیزانەگەی هات وەپیان وت ک پیاوەگە مردگە، و بایەتە باین تەرمەگەی بوەین.
پۆلیس ئۊشێد: کوڕەگەی مورتی رەسیە ئەو شۊنە، و تەرم باوگی لەورا پەیا کرد. پۆلیسیش تەرمەگە دا دەس خیزانەگەی و ئەوانیش ریکارەیل وەرگردنی تەواو کردن، و نانەی خاک.
خیزانەگەی مورتی، دۊای ٢٤ سەعات لە خاکناینی، سەرسام بۊن، هەنای مورتی هاتە ماڵەو، ک کوڕەگە ئەرا رووژنامە هیندیەگە وت: بڕوا وە چەو خوەمان نەکردیمن هەنای هاتە ناو ماڵەگە، سەرسام وە خەوەر مردنی بۊم، و هەمیش وە زنیبۊنی هەنای هاتە ماڵەو.
وەگورەی پۆلیس: شیواشیویگ لە ناسنامەی تەرمەگە بۊە کە پەیای کریا، و دووارە ئەو تەرمە دراوریا تا ناو راسی ئەو مردگە بناسن.
