کابرایگ لەوەر وە هەڵە زیندانیکردنی 50 ملیۆن دۆلار وەپی بەخشیا
شەفەق نیوز/ پیایگ لە ئەمریکا 50 ملیۆن دۆلار جویر قەرەبوو وەپی بەخشیا دویای ئەوەگ وە هەڵە وە تاوان کوشتن 10 ساڵ زیندانی سزادریابوی، یەیش گەپترین بڕە جویر قەرەبوو دریابوی وە کەسیگ.
مارسێل براون تەمەن ٣٤ ساڵ، دویای ئەوەگ لەساڵ 2008 وە توومەت تەقەکردن لە کەسیگ تەمەن 19 ساڵ دەسگیرریا و سزای 35 ساڵ زیندانیکردن ئەرا درکریا.
براون 10 ساڵ لە زیندان وەسەربرد و لە ساڵ 2018 ئازادکریا دویای ئەوەگ دادگا سزاگەی هەڵوشان دااکار گشتی گشت توومەتەیلبانی رەدکرد و بیتاوانیەگەی دەرچوی.
دەسەی قەسەم خواردن لە دادگای ناوچەیی ئەمریکا لە شیکاگۆ ئەرایان دەرچگە پۆلیس وە بەڵگەی هەڵبەسڕیاگ و وە زوور دانوەپینان ئەو کەسە تاوانبارکردنە.
دەسەی قەسەمخواردن 10 ملیۆن دۆلار جویر قەرەبویکردن زرەردەیل براون دانانە، هەمیش 40 ملیۆن دۆلاریش جویر قەرەبوی ئەو ماوە کە لە زیندان وەسەربردیە.
