کابرایگ لە ئەمریکا ماشین پولیس دزێد ئیجا پولیس لە مردن رزگاری کەێد
2023-01-31T09:45:50+00:00
شەفەق نیوز/ لە رویداو ئەڵاجەوییگ، کابرایگ ماشین پولیس دزیە، و خوازیە ماشینەگە بوەێد و بچوودە ری، وەلێ ئەو دز بەدبەختە نزیک بوی وەماشینەگە بەێد لە قەتاریگ، تا پولیس رەسیە هانای.
میکال بارکەر لە تەمەن ٢٩ ساڵان یەکیگ لە ماشینەیل پولیس ئەمریکا دزی، و پولیس شار ئەتلانتا لە ویلایەت جۆرجیای ئەمریکا کەفتنە شوینی.
لە مەوقەی وەشوینکەفتنی وەچەن ماشینیگ پولیس و هەلیکۆپتەر، ماشینەگە لەدەس بارکەر دەرچگ، و لەبان سکەی قەتار پلیا.
هەنای ماشینەگە وەپی پلیا، قەتاریگ لەورا هات، و پولیس رەسیە هانای دزەگە و وەرجە رەسین قەتارەگە لەناو ماشینەگە دراوردنەی و رزگاری کردن.
