کابرایگ بەریتانی ماشین فیراری گرانیگ سینێد تەنیا سێ کیلومەتر رانێدەی

شەفەق نیوز/ شار داربیشیر لە خوەرهەڵات میدلاندز ئینگلترا، رۊداویگ هاتوچو وەخوەی دی،  ک بۊە هووکار شکیان ماشینیگ "فيراري" نوویگ، ک  خاوەنەگەی تەنیا ٣ کیلومەتر رانیەسەی. 

پۆلیس داربيشير لەبان تویتەر نۊسان: رۊداوەگە هۊچ زەخمداری لەلی نەۊیەو.   

وتیش: لەی شەوەکیانە ئەو کابرا ئی ماشین فیراریە سەنیە، و دۊای رانستنی ئەرا دو میل ویرانی کرد. 

وەگورەی تووڕ "سکای نیوز" بەریتانی،  پۊلیس لە پۆستەکەی دووپات کرد ک پۆستەگەی "دروو نیسان" نەۊە. 

کەسەیلیگ لەبان سۆشیال میدیا وینەی ئەو ماشینە بڵاو کردن و وتن: لە مارکەی "فیراری ٤٨٨" بۊە و نرخەگەی رەسێدە ١٧٥ هەزار ئیستەرلینی.