پەیاکردن قورسترین ماسی لە جەهان

شەفەق نیوز/ ماسی "خوەر زەریا" کیشی رەسێدە ٢٧٤٤ کیلوگرام، شمارەی پەیمانەیی نوویگ لە جەهان توومار کرد، دویای ئەوە ک بویە قورسترین ماسییگ لە جەهان ک پەیا کریاگە.

ئەو ماسیە لە ٩ی دیسێمبەر ٢٠٢١ پەیا کریا، ک لەبان ئاوەگە مردارەو بوێد، وەرانوەر کناراو دوورگەی فایال، لە ئەرخەبیل ئەزوەر، لەباکوور زەریای ئەتڵەسی.

کوری ئێڤانز زانای ژینگەی ماسیەیل لە زانکۆی رایسڵ ک لە پەیاکردن ئەو ماسیە بەشداری کرد، وت: فرە دەگمەنە لەی رووژەیلە ماسی گەپیگ پەیا بکەێ، لەوەر ئەو راوکردن ناشەرعیە و ئی ژینگەی بەدە.

دەسەڵات ناوخوەیی ماسیەگە ئەرا ناو ئاوەگە گلەو دان، تا وەشیوەیگ خاستر تۆێژینەوە لەلی بکەن.