پەیاکردن دەرمان نوویگ گشت جویریگ لە کۆڕۆنا لەناودەێد
وەگورەی راپۆرتیگ کە رووژنامەی “میترۆ”ی بەریتانی بڵاوی کردیە، زانایل توەنستنە پیشکەفتنیگ پزیشکی وەدەس بارن، ک دژەتەنیگ پەیا کردنە کە هاتێ بوودە مدوو نەهیشتن کۆتایی ڤایرۆس “کۆڤید” کە ساڵان فرەیگە مەردم ترسانیە، وەرجەیە ڤاکسینیگ رەسیە دەس کە هیلێد لەش ئایەم توانای وەرگریکردنی بوود، باوجی جویر ڤایرۆس لەناوی نیەێد، هەرلیوا ریگری لە بڵاوبوین یا گواستنەوەی لە کەسیگ ئەرا کەسیگتر نیەکەێد.
سەرەتا دژەتەنەیل لە خوین بیماریگ تویشبوی وە بیماری “سارس” جیاوە کریانە، و لەلی خاسەو بوینە، ئەویش وەرجەیە چگە ئەرا وەرگردن ڤاکسین ڤایرۆس “کۆڤید ١٩” کە بیماری “کۆرۆنا” دروس کەێد، کە لە سەرەتای ساڵ ٢٠٢٠ لە جەهان بڵاو بوی.
کولێژ پزیشکی دوک-NUS لە سەنگافورە کە سەرکردایەتی توێژینەوەگە کەێد، ئویشێد: "ئی تێکەڵە ناوازەی تویشبوین وە ڤایرۆس کۆرۆنای کوینە و کوتان، وەڵامیگ دژەتەنی فرە فراوان و قایم دروسکرد کە توانای وەسانن نزیکەی گشت ڤایرۆسە کۆڕۆنا پەیوەندیدارەیل تاقیکردنەوەیی داشت".
شەش دژەتەن دەسکەفت کە توەنن فرەیگ لە ڤایرۆس کۆرۆنا لەناو بیەن، لەوانە “کۆڤید ١٩” و “سارس” و جویرەیل “ئەلفا، بێتا، گاما، دێڵتا، و ئۆمیکرۆن” بیجگە لە ڤایرۆس “سارس” و چەن ڤایرۆسیگ “کۆرۆنا”ی ئاژەڵ، و ئەوانیتر لەلایەن شەمشەمەکوورە و پانگۆلینەیل تیەن.
وەگورەی قسەی زانایل، دژەتەن قایمیگ کە ناوی (E7)ە، وە ئامانجکردن لاوازییگ دیاریکریای لە پرۆتین سپایک ڤایرۆسەگە کار کەێد، کە ئەرا داگیرکردن خانەیل وەکار تیەێد.
دیارە دژەتەنەگە دەر بەرزەوبوین سپایکەگە وەرەو ناو کۆنفۆڕماسیۆن نا گورج بەسێد، و نیەیلێد شیوانن دروس بوود کە ڤایرۆسەگە خوازێدەی ئەرا تویشکردن خانەیل و بوودە بیماری.
دکتۆر شیا وان نی، لێکۆڵەر سەرەکی توێژینەوەگە ئویشێد: "گورجی و پانی دژەتەن E7 لە هەر دژەتەنیگتر ئەرا سارس زیاتر بوی کە ئیمە تویشی بویمن".
وتیش: " نوای نووترین جویرەیل ژیر ئۆمیکرۆنیش گردیە، لە وەختیگ فرەی دژەتەنەیلتر کاریگەری خوەیان لەدەس دەن".
