ئەڕا چە دزەیل پاپەی ماشینەیل کارەبایی نیین؟
شەفەق نیوز/ ریژەی دزیکردن ماشینەیل لە ئەمریکا، نشان دەن کە دزیکردن ماشینەیل کارەبایی چشتیگ ناوازە.
وەگورەی دژە تاوان (NICB) لە ئەمریکا وە ماوەی ساڵ ٢٠٢٣ زیاتر لە یەک ملیۆن ماشین دزیاس، وەلێ ماشینەیل کارەبایی فرە کەمە، وەگورەی سایت ئەکسیۆس.
وەگورەی پەیمانگەی بیوەیی لەبان ریەیل سەرەکی (IIHS)، ریژەی دزیکردن ماشینەیل لە ئەمریکا ٤٩ ماشینە ئەرا هەر ١٠٠ هەزار ماشین.
لە خود وەختەگە، ریژەی دزیکردن ماشینەیل کارەبایی لە مارکەی تێسلا مودێل ٣ رەسێدە یەک ماشین لە هەر ١٠٠ هەزار ماشین.
لەوەر ئەوە دزیکردن ماشینەیل کارەبایی کەمە، چوینکە سیستم وەشوینکەفتن هاناویان، و چەودیاریکردن هەڕەشەیل وەبان ماشینەگە.
نیکۆلاس زیتلینگەر پسپۆڕ لە کاروبار گشتی لە نویسنگەی بیمەی نیشتمانی ئەرا دژە تاوان وت: وەگەرد زیایبوین دزیکردن ماشینەیل کارەبایی وەگەرد رووژەیل، وەلێ هیمان وەچەو ماشینەیل ئاساییی فرە کەمە.
وتیش: تەکنەلۆجیا لەی ماشینەیلە وەشیوەی باویگ نەناسیاس، فرەیان کلیل نەیرن، و وە مۆبایل یا کلیل کارت خریەنە کار، وەلێ ئەوە نییە کە دزەیل گرنگی وە ماشینەیل کارەبایی نیەن، وەتایبەتی نرخیان گرانە.
وتیش: ئی ماشینەیلە هەمیشە خریەنە ناو گەراج تا چارجکردن لەشان ماڵەیل، کە رەسین ئەرایان ئاسان نییە.
