ئایا درەختە دەسکرتەیل دەسمیەتی پاکەوکردن کەشوهواگە دەن؟
شەفەق نیوز/ وەرجە نزیکەی ١٠ ساڵ، لە چەن ناوچەیگ لە جهان، تەقەلایلیگ ئەرا پشتبەسان وە «درەخت دەسکرت» ئەرا سووکەوکردن کاربۆن لە بۆشاییە ئاسمانییەگە دریا.
زاناکان لە ساڵەیل کەم گوزەیشتە توێنستن تەقەلایلیان بکەنە کاریگ راسی، ک ئیسە لە جادەیل بەریتانیا و ئەڵمانیا و مەکسیک و کولومپیا و پەنەما، دەیان لە دارەیل کانزایی هەس، ک توێەنن وەتوانای خاسیگ دووانەی ئۆکسید کاربۆن لە هەواگە بمژن.
ئایا ئی درەختەیل دەسکردتە توانای ئاڵشتکردن کەشوهەوا دیرن؟، و ئایا رووژیگ لە رووژەیل بوونە جیگریگ ئەرا درەختە راسیەکان؟.
چوین کار کەن؟
درەختە دەسکرتەیل لەبان تەکنۆلۆژیایگ پێشکەفتگ کار کەن، بەشیگیان قەوزاخە هاناویان، گەناڵخەگە مژن و ئاڵشتی کەنە هەوا، و وەشیوەی دار و درەخت دروس کریانە، باوجی لە کانزا کریانە، و جاروباریش شیوەی دەیشتەکییان وە چوو دروس کریەێد، و ئەمارەیلیگ ئەرا مژین دووانەی ئۆکسید کاربۆن هالە ناویان.
بەشیگیان لە بان گەڵای دەسکرت کریانە، جوور پەڕ ناسکیگ لە چەن قاتیگ کریاگە ک دووانەی ئۆکسید کاربۆن مژێد، و کەیدەی وزە، وە دەسمیەتی ئاو و رووشنایی خوەرەگە، وەگەرد چەن تەکنیکیگ تا هەکاتی درەختە راسیەگە کار بکەێد.
وەگورەی ماڵپەر (بڕاید ساید) ئەو درەخت دەسکرتە ک ناوی وە biourban نریاگە، دریژیی رەسێدە ٤ مەتر و پانیەگەی ٣ مەترە، و توانای کارکردنی رەسێدە ٩٩،٧٪.
هەر یەک درەخت دەسکرت وەگورەی ٣٦٨ دار سرووشتی بەرهەم ئۆکسجین کەێد، ئیجا ئۆکسجین پاک ئەرا ٢٨٥٠ کەس لە یەک رووژ دابین کەێد.
