ئەراچە خانەگان لەش تاهەمیشە نیەژیەێن؟
خانەگان رینمایی کریانە تا خوەیان بکوشن، خانەیل خوین سوور ئەرا نمونە، تا دەور چوار مانگ ئەوزەڵ کەێد، دویای ئەوە بەڕنامەی مردن ئەو خانە دەسوەپی کەێد، بەڵکم ئی مردنە ژیان دروسکەرە، ئەرا نمونە، گەشەی قورواق، لە قۆناغ یەکەمینی دویچگ دیرێد، تا وەپی مەلەبکەێد، ک وەختا ئەوزەڵ کەێد، دویچگەگەی دی سودی نیمینێد، خانەیل دویچگی مرێد، چوینکە خانەیلیگ تر ئەوزەڵ کەێد، ئەویش بوودە پاگانی.
لەلای مرۆڤ، توژگ چەرم هاناوبەین پەنجەگان لە قۆناغ کۆرپەلە، خانەیل ئەو توژگ چەرمە وەختا مرێد، پەنجەگان ئەوزەڵ کەن، ئەگەر خانەگان وەبان بەڕنامەی مردنیان نەچن، شیوەی ژیانەگە تێکچوود، وچشتەیلیگ تر ئەوزەڵ نیەکێد.
بەرنامەی مردن خانەیل یا لەدەیشت خانەگە بوود، یا لە ناوی، دویای ئەوە کونا دیار دەێد، لە توک مایتۆکۆندریا، ئیجا پڕۆتینیگ تایبەت چوودە ناو پلازمای خانەگە، ک خانەگە کوشێد، ئەگەر بەرنامەی مردن خانەیل نەوود، لیخەرو پیاویگ وەتەمەن رەسێدە ١٦ کێلومەتر، وقورسی سقانەیلی رەسێدە دوو تەن، چوینکە خانەیل وەبی وسانن کەڵەکە بوون. چوینکە خانە وەبەرنامە مرێد، توانای ئەوزيڵبوین خانەیل نوویگ مینێد، ک لە خانەگان بوونە دووبەشەو.
وەهەرهاڵیگ، لە قۆناغیگ تایبەت لە ژیان، بەشەوبوین خانەگان وسیەێدەو.
