ژينگه‌ی كوردستان سه‌رله‌نوو خوازيار ته‌ياره‌يل ئاگركوشنه‌وه بوی
وه‌خاتر كوشاننه‌وه‌ی ئه‌و ئاگره‌يله ك وه‌ربوود له باخ و بوسانه‌يل سروشتی .
ليوا عه‌بدولكه‌ريم قاسم فه‌رمانده‌ی هيز پاسه‌وان ژينگه له‌پاريزگای دهۆك ئه‌را(شه‌فه‌ق نيوز)وت: وه‌رجه ٤ ساڵ داواكارييگ وه‌خاتر ته‌رخانكردن ٣ ته‌ياره‌ی ئاگركوشنه‌وه پيشكه‌ش كرديمه‌سه په‌رله‌مان و حكوومه‌ت هه‌رێم كوردستان له‌وه‌ر كوشاننه‌وه‌ی ئه‌و ئاگره‌يله ك له‌ناونی ماوه‌يگ وماوه‌يگ تر وه‌ربوود له باخ و بوسانه‌يل ميوه‌جات له هه‌رێم كوردستان، وه‌لی تائيسه ئه‌و ته‌ياره‌يله ئه‌را ئی مه‌سه‌له ته‌رخان نه‌كريانه.
قاسم هه‌ميش وت: هيمان هه‌رێم ئامێره‌يل ئاسايی وه‌كار ئه‌يه‌ريد ئه‌را كوشاننه‌وه‌ی ئاگر و چه‌ن ناوچه‌يگيش هه‌ن ناتويه‌نيم له‌وه‌خت گونجياگ وه‌پی بڕه‌سيم و نه‌وچه‌يليگيش هه‌ن له‌لايه‌ن رژيم وه‌رينه‌و مينڕيژی كريانه‌و ره‌سين وه‌پيان سه‌خته، هه‌ر له‌وه‌ر ئه‌وه‌يش ته‌رخانكردن يك ته‌ياره ئه‌را پاريزگای دهۆك شايه‌ت سه‌ده‌هاو بگر هه‌زاران دۆنم له ئاگر قورتار بكا ك ساڵانه به‌رپا بوود وه‌تايبه‌ت له وه‌رز تاوسان و وه‌رزه‌يل گه‌شتياری.
ج . أ
