چه‌له‌بی ره‌خنه له بيده‌نگی وه‌رپرسه‌يل گرت ده‌رهه‌ق بار خراو ئاسايش به‌غدا
و شماره‌يگ تر له پاريزگايه‌يل عراقی
و جه‌خت له‌وه‌يش كرد ك وه‌ی خاتره چه‌نه‌ها داواكاری ئه‌را نويسينگه‌ی سه‌ركرده‌ی گشتی هيزه‌يل چه‌كدار كلكرياگه له‌وه‌ر ئاڵشتكردن سه‌ركرده‌يل گه‌ناته‌كار ئاسايش.
چه‌له‌بی ك سه‌ركرده‌يگه له هاوپه‌يمانی نيشتمانی، له قسه‌يلی ك له‌بان ماڵپه‌ڕ تايبه‌ت خوه‌ی له فه‌يسبوك بڵاويه‌و كردو(شه‌فه‌ق نيوز)ئاگاداری بوی، وت: هويچ وه‌رپرسيگ ئاسايش باس له‌ی بار خراو وه‌رده‌وام ئاسايشه ناكاو ته‌نانه‌ت سه‌رۆك ئه‌نجوومه‌ن وه‌زيره‌يليش ئه‌را ماوه‌ی فيشتر له سێ ساڵه باس له مه‌سه‌له گه‌ناته‌كاری وه‌رپرسه‌يل ئاسايش نه‌كردگه.
چه‌له‌بی هه‌ميش وت: هه‌فتانه داواكاری كلكه‌يم له‌وه‌ر خاتر ئاڵشتكردن سه‌ركرده‌يل گه‌ناته‌كار ئاسايش، وه‌لی بی جواوه‌و نازانيم ئامانج له بيده‌نگی چه‌سه‌و نه‌خش سه‌ركرده‌ی گشتی هيزه‌يل چه‌كدار چه‌سه‌و له‌وه‌رچه ئه‌وه‌نه خوين مه‌ردم بيتاوان ئه‌رزانه تا ئی راده؟
ج . أ
