چه‌كداره‌يل باڵه‌خانه‌ی ناحيه‌ی ره‌شاد له‌ كه‌ركووك ته‌قاننه‌و

ئه‌و سه‌رچه‌وه‌ ك نه‌تواست ناوی ئاشكرا بوود،‌ ئه‌را (شه‌فه‌ق نيوز) وت: ده‌مه‌و شه‌وه‌كی ئمڕوو چه‌كداره‌يليگ نه‌ناسرياگ باڵه‌خانه‌ی ئه‌نجوومه‌ن ناحيه‌ی ره‌شاد له‌ قه‌زای حه‌ويجه‌ وه‌ بۆمب له‌چاڵنرياگ ته‌قاننه‌سه‌و ‌و گشت باڵه‌خانه‌گه‌ وه‌ته‌واوی رمياگه‌و دووانيش له‌پاسه‌وانه‌يلی كوشيانه‌.

سه‌رچه‌وه‌گه‌ يه‌يش ده‌رخست، ك دويای ئه‌و رويداگه‌ هيزه‌يل ئاسايش چوارده‌ور شوونه‌گه‌ دانه‌و كه‌فتنه‌سه‌ گه‌ردين و وشكانن له‌شوون ئه‌و لايه‌نه‌ ك ده‌س له‌و ته‌قينه‌وه‌ داشتگه‌و ته‌رم هه‌ردوگ كوشياگه‌گه‌يش هه‌واڵه‌ی ته‌رمخانه‌ی پزيشكی كريانه‌.

ج . أ