په‌رله‌مان كوردستان پێشنيار دريژه‌وكردن سه‌رۆكايه‌تی بارزانی ئه‌كا ئه‌را ماوه‌ی دوساڵ تر
2013-06-30T13:31:15+00:00
ئه‌و سه‌رچه‌وه ك نه‌تواست ناوی ئاشكرا بوود، ئه‌را (شه‌فه‌ق نيوز) وت: په‌رله‌مان كوردستان له دانيشتن ئمڕووی ئه‌و پێشنياره تاوتوێ ئه‌كا ك فراكسيۆنه‌يل كوردستانی خستنه‌سه‌ی روی ئه‌را دريژه‌وكردن ماوه‌ی سه‌رۆكايه‌تی مه‌سعود بارزانی ئه‌را هه‌رێم تا دوساڵ تر وه مه‌رجيگ قابل تازه‌كردن نه‌ود له‌وه‌ر خاتروازكردن ده‌رفه‌ت له‌وه‌رده‌م رێككه‌فتن نيشتمانی له‌بان ئه‌نجامداين راسه‌وكردن له پرۆژه ده‌ستوور هه‌رێم.
سه‌رچه‌وه‌گه يه‌يش ده‌رخست ك پێشنياره‌گه زه‌مانه‌ت مه‌ندنه‌وه‌ی سه‌رۆكايه‌تی بارزانيه تا ساڵ ٢٠١٥و ئامانج له‌ی پێشنياريشه وازكردن ده‌رفه‌ته له‌وه‌رده‌م هێزه‌يل كوردستانی وه‌خاتر راسه‌وكردن پرووژه‌ی ده‌ستوور كوردستان وه‌رجه ده‌رخستی ئه‌را ده‌نگداين گشتی له‌بانی.
ج . أ
