پاسه‌وانه تایبه‌ته‌گه‌ی تاڵه‌بانی كوشيا
ئمڕوو شه‌وه‌كی، چوارشه‌ممه، له ناوچه‌ی كانی با (رووژهه‌ڵات شار سلێمانی) سه‌روه‌ت حه‌مه‌ره‌شید، پاسه‌وان تایبه‌تی جه‌لال تاڵه‌بانی له ماڵه‌گه‌ی خوه‌ی كوشيا و هویچ كام له ده‌زگا ئه‌منییه‌گانیش ئاماده نین لێدوان له‌و باره‌‌وه بيه‌ن و ئويشن: "جارێ هايمنه قۆناغ لێكۆڵینه‌وه".
سه‌رچاوه‌یگ نزیك له كه‌سوكار سه‌روه‌ت، وتگه ئی شه‌وه‌كيانه، سه‌عات 5:00 وه‌رجله‌وه‌گ سه‌روه‌ت له ماڵه‌گه‌ی خوه‌یه‌و وه‌ره‌و ته‌ياره‌خانه‌ی سلێمانی بكه‌فێده‌ڕێ و گله‌و بخوه‌ێد ئه‌ڕا ئه‌ڵمانیا، چه‌ن چه‌كدارێگ چينه‌سه ناو ماڵه‌گه‌ی و له‌ناو ئاشخانه‌ی ماڵه‌گه‌ی كوشتنه‌سه‌ێ.
سه‌رچاوه‌گه ئاماژه وه‌وه‌يشكرد"له‌شوون ئه‌وه‌گ له چه‌ن رووژ گوزه‌يشته سه‌روه‌ت هاتگه‌سه‌و ئه‌ڕا ناو ماڵ و مناڵه‌گه‌ی و بايه‌سه ئی شه‌وه‌كيه بچياده‌و ئه‌ڕا ئه‌ڵمانیا ئه‌ڕا ئه‌و نه‌خوه‌شخانه ك تاڵه‌بانی هاتێ".
تا ئيسه نازانريه‌ێ ئه‌و سێ كه‌سه ك له‌وه‌خت ته‌قه‌كردنه‌گه دوينريانه سه‌ر وه چ گروپ و لایه‌نێگن.
ا. ج
