وه‌رگری وئاسايش ئاشكرای كوشتن و كووچ وه‌پيكردن فيشتر له ١٠٠خيزان كرد له لتێفيه
و داوا له ١٢ لايه‌ن كرد په‌يجوری له‌ی باوه‌ته‌و بكه‌ن له‌وه‌رجه گشتيانيش نويسينگه‌ی سه‌ركرده‌ی گشتی هيزه‌يل چه‌كدار.
مزهر جه‌نابی ئه‌ندام ليژنه‌گه ئه‌را(شه‌فه‌ق نيوز)وت: وه دريژايی مانگيگ چوار خيزان له‌ناوچه‌ی لتێفيه له‌هه‌ردوگ تايفه‌ی سنی وشيعه كوشيانه‌و فيشتر له ١٠٠ خيزانيش كه‌فتنه‌سه وه‌ر كووچ وه‌پيكردن و دويه‌كه‌يش هه‌وڵ كوشتن خيزانيگ تر دريا، وه‌لی قه‌ده‌ر له‌يوا كرد ئه‌و خيزانه له‌و كوشتنه قورتار بدێ.
جه‌نابی هه‌ميش داوا له سه‌رۆك وه‌زيره‌يل و سه‌رۆك ئه‌نجوومه‌ن نوێنه‌ره‌يل و سه‌رۆك ئه‌نجوومه‌ن دادگای باڵاو سه‌رۆك دواكاری گشتی و نوسينگه‌ی وه‌زير وه‌رگری وه وكاله‌ت و وزاره‌ت هه‌قه‌يل ئاده‌ميزاد و ليژنه‌ی نوێنه‌رايه‌تی هه‌قه‌يل ئاده‌ميزادو كومسيۆن هه‌قه‌يل ئاده‌ميزادو ليژنه‌ی وه‌رگری و ئاسايش نوێنه‌رايه‌تی و سه‌ركردايه‌تی فه‌رمانده‌يی به‌غداو سه‌ركردايه‌تی تيم ١٧ی سوپای عراقی و ئه‌نجوومه‌ن پاريزگای بابل كرد په‌يجوری له‌باوه‌ت رويداگه‌يل لتێفيه بكه‌ن و له‌هه‌مان وه‌خت پرس وپرسكاری ده‌رهه‌ق دريغكه‌ره‌يل له هيزه‌يل چه‌كدار بكريه‌يدو هه‌واڵه‌ی دادگا بكريه‌ن تا وه‌سزای خوه‌يان بڕه‌سن.
ج . أ
