وه‌خشين ناوده‌وڵه‌تی: له‌سێداره‌داين له عراق ره‌سيه‌سه به‌رزترين ئاست
2013-11-09T09:56:58+00:00
له‌وه‌خت رميان رژيم وه‌رين سه‌دام حسێن له ٢٠٠٣ تا ئيسه.
ريكخرياگ ناوبرياگ له راپۆرتيگی ك(شه‌فه‌ق نيوز)ئاگاداری بوی، ئه‌وه ده‌رخست ك رووژ په‌نجشه‌ممه‌ی گوزه‌يشت حكوومه‌ت عراقی ٧ زيندانيكرياگ هه‌واڵه‌ی په‌ت له‌سێداره‌داين كردگه‌و يه‌يش مه‌ترسی ئه‌وه له‌لی كه‌فيده‌و ك زيندانيه‌يل تريش روی وه‌ڕوی ئه‌و سزای له سێداره‌داينه بكريه‌ن.
راپۆرته‌گه ئاشكرای يه‌يش كرد ك ئمساڵ وه‌لای كه‌مه‌و ١٣٢ كه‌س له عراق دريانه له سێداره‌و يه‌يش به‌رزترين ئاست له‌سێداره‌داينه له‌وه‌ختيگه‌و ك بڕيار ئی جووره سزا ده‌رچيه له ٢٠٠٤ له عراق و شايه‌ت شماره‌ی راسكانی له سێداره‌درياگه‌يل له‌ی شماره فيشتر بوود، چوينكه ده‌سڵاته‌يل عراقی شماره‌ی راسكانی وه ته‌واوی ئاشكرا ناكه‌ن.
ج . أ
