وسیان کڕ بەرهەم ماشینەیل Harrier و RAV4 دویای تەقینەوەی ناو یەکیگ لە کارخانەیل تویۆتا
شەفەق نیوز/ کۆمپانیای تۆیۆتای ژاپۆنی، ئمڕوو دووشەممە، بەسانن کارخانەی نوویگ راگەیان لەوەر کەمی کەرەستەیل لە ئەنجام تەقینەوەیگ لەناو کارخانەی کۆمپانیای Chuo Spring.
وەگورەی ئاژانس كيودۆ، بڕیار وسانن کار لە یەکیگ لە کڕەیل بەرهەم لە کارخانەی دايهاتسۆ في كيوتۆ دریا، کە کاریگریەیل رویداوەگە لە بان کلکردن پارچەی ماشینەیل گەورەو کەێد.
وەرجەیە، تویۆتا وسانن سێ کڕ بەرهەم لە دوو کارخانە لە پارێزگای ئایچی لە رووژ دووشەممەو راگەیان، ئەوەیش لە ئەنجام کەمی کەرەستەیل لە وەر تەقینەوەگە، کە کڕە زەرەدمەنەیل مارکەیل Harrier و RAV4 گرێدەو.
رووژ پەنجشەممەی گوزەشتە، تەقینەوەیگ لەناو کارخانەی چو سپرینگ رویدا، و بویە هوکار کوشیان کەسیگ و زەخمداری دوو کەس ترەک.
راپۆرتەیل وتن: رویداوەگە لە ئەنجام تەقیان یەکیگ لە ئامێرەیل گردەوکردن تووز لەناو کارخانەیل بوی، کە سپرینگ و چشتەیلیگ ترەک هن ماشین دروس کەێد.
جی باسە کە کارخانەگە لە ساڵ 2023 تەقینەوەیگ وەیجویرە وەخوەی دی، کە تویۆتا ناچار کرد 13 کڕ بەرهەم لە 8 کارخانه بووسنێد، و تا گلەوخواردن کارەگە 10 رووژ وەپی چگ.
