وەزیرەگەی ئەحمەد شەرع دەس بێربوک سینێد

شەفەق نیوز/ لەی ساعەتەیل دویاییەر وەینەیک لەبان سۆشیال میدیا بڵاو کریا، کە لەناوی ئەسعەد شەیبانی وەزیر دەیشت سوریا، دەس ئەنالینا بێربوک خانمە وەزیر دەیشت ئەڵمانیا سینێد.

لەو وینە کە شەیبانی دیار دەێد دەس دڕا کەێد تا دەس بێربوک بسینێد، ئەوەیش لە پەراویز کۆنفرانسیگ ناودەوڵەتی لەباوەت سوریا لە ریاز پایتەخت سعودیە.

ئی وینە بویە گی قسەوباس مەردم، کە وەرجەیە ئەحمەد شەرع سەڕۆک ئیدارەی نوو سوریا رازی نەوی دەس بێربوک بسینێد، هەنای لە دیمەشق پایتەخت پیشوازی لەلی کرد.

لە سەردانەگەی ئەرا دیمەشق، بێربوک دووپات کرد کە خوەی زانستیە کە وەرپرسەیل ئیدارەی نوو سوریا دەسی نیەسینن.

ئەنالینا بێربوک وتیش؛ وەگەرد رەسینی ئەرا دیمەشق پایتەخت، دیار بوی کە دیداری وەرد وەرقرسە نووەیل سوریا دەسسەنین جویر دیدارەیل دیبلۆماسی ترەک نییە کە دەسسەنین لەناوی بوود.