"وە ئەرکیگ تایبەت لەلای خودا کلکریامە".. ترەمپ وە پۆست نادیاریگ مشتومڕ دروس کەێد
شەفەق نيوز/ دۆناڵد ترەمپ سەرۆک ئەمریکا، مشتومڕ فراوانیگ لەبان سۆشیال میدیا دروس کرد، دویای بڵاوکردن پۆست نادیاریگ لەناوی وت گوایە وە ئەرکیگ تایبەت لەلای خودا کلکریاس.
ترەمپ لەبان پلاتفۆرم خوەی "ترووث سۆشال" پۆستیگ بڵاو کرد کە وت خوەی وە ئەرکیگ لە خودا کلکریاس و هویچیگ نواگیری ئەوەگ بوود نیەکەێد، وەگەرد وینەیگی لەناوڕاس جادەی یەکیگ لە شارەیل.
هەرچەن ئیجویر پۆستەیلیگ وەبان ترەمپ چشتیگ نوو نییە، قسەگەی دەر ئەرا شیەوکردن واز کرد، لەناوەین لایەنگر و دژایەتی، وەگورەی "RT عەرەبی" رووسی.
یە یەکەمین جار هەیە کە ترەمپ پەنا وە وتار ئاینی بارێد، کە وەرجەیە، وینەیگ دروسکریای زیرەکی دەسکرد بڵاو کرد، لەناوی دڵنگ پاپایی لەوەری بوی دویای مردن پاپا فرانسیس، وەگەردی کۆمێنتیگ هەنەکی بڵاو کرد.
وتارەیلی وەگەرد هەڵوژاردن یەمەن پاپای ئەمریکی ئەرا ڤاتیکان هات، کە هیشت زانستی وەرجەوەختەی ئەرا رویداوەیل بخەێدە وەردەس.
دیارە ئی پۆست دویاییە، هەرچەن نادیارە، بەشیگە لە ستراتیژیەی ترەمپ ئەرا دروسکردن دەمەقاڵیگ راگەیانن و ناوی لەژیر رووشنایی بمینێد، کە قسەیلی لەناوەین راسی و هەنەکی هیلێد، تا قسەکەر لەبان کەسایەتیی و سیاسەتی وەردەوام بوود.
