هاوپه‌يمانی كوردستانی: پۆست جيگر پاريزگار دياله ئه‌را ئيمه‌س
كه‌ريم عه‌لی ئاغا زه‌نگنه جيگر يه‌كه‌م پاريزگای دياله‌و سه‌ركرده‌ی پايه‌به‌رز له هاوپه‌يماننيه‌گه له به‌ياننامه‌يگ ئه‌را(شه‌فه‌ق نيوز)وت: هاوپه‌يمانی كوردستانی به‌شيگ بنه‌ڕه‌تيه له سيستم سياسی ناوچه‌يی له دياله‌و نوێنه‌ر ره‌وای نه‌ته‌وه‌ی كورده ك نزيكه‌ی ٢٠% مه‌ردم پاريزگاگه پيكهاوردنه.
زه‌نگنه هه‌ميش وت: پۆست جيگر يه‌كه‌م پاريزگار دياله‌و بيجگه باقی پۆسته‌يل تر حكوومی و له‌وانه‌يش ده‌زگايه‌يل خزمه‌تگوزاری شايسته‌يگ ياسايی كورده‌و هويچ منه‌تيگ نيه له هه‌ر لايه‌ن و ره‌وتيگ سياسی.
جی باسه، زه‌نگنه ره‌خنه له‌و ره‌فتار ناوه‌جی فورات تميمی جيگر وه‌رين پاريزگار دياله‌يش گرت له‌وه‌ختيگ چيه‌سه ناو نويسينگه‌گه‌ی له ديوان پاريزگاگه وه مه‌هانه‌ی ئه‌وه‌ك گوايا بڕياريگ دادگايی هه‌س له‌وه‌ر هاوردنه‌وه‌ی ئه‌را پۆسته‌گه‌ی خوه‌ی، ك زه‌نگه‌نه ئی ره‌فتاره وه ناجوور و ياساشكنی پڕه مه‌ترسيداريگ تاريف كرد له گشت حاڵه‌تيگ.
ج . أ
