هاوپه‌يمانی كوردستانی ره‌خنه له لێدوانه‌يل شه‌هرستانی گرت
2013-07-17T14:58:30+00:00
موئه‌يد ته‌يب قسه‌كه‌ر وه‌ناو هاوپه‌يمانی كوردستانی ئه‌را (شه‌فه‌ق نيوز) وت: بايه‌سه شه‌هرستانی ده‌رفه‌ت دانيشتن و گفتگوو بيه‌يد له‌وه‌رخاتر ره‌سين وه‌چاره‌سه‌ر نه‌ك بار گرژی دروس بكا، چوينكه لێدوانه‌يل شه‌هرستانی له‌وه‌خت خوه‌ی نيه‌و نه‌بايه‌د ڕی بوختان و هه‌ڕه‌شه بگريده وه‌ر.
ته‌يب هه‌ميش وت: ملله‌ت عراق و ملله‌ت كورد خوه‌شاڵی خوه‌يان نيشاندان ئه‌را سه‌ردان نوری مالكی سه‌رۆك وه‌زيره‌يل ئه‌را هه‌رێم كوردستان و سه‌ردان مه‌سعود بارزانی سه‌رۆك هه‌رێم كوردستان ئه‌را به‌غدا وه ئامانج چاره‌سه‌ر كيشه‌يل ناونی هه‌ردوگلا له‌ڕی ليژنه‌يل هاوبه‌ش.
ج . أ
