نه‌ته‌وه‌يل يه‌كگرتگ پلان ئه‌را په‌ره‌داين وه كه‌رت گشتی له سلێمانی دائه‌ناد
2013-07-09T11:45:35+00:00
رامان عوسمان وه‌رپرس ره‌سانن له ديوان پاريزگای سلێمانی له‌باسيگ ئه‌را (شه‌فه‌ق نيوز) وت: ريكخرياگه‌يل UNDP وUN HABITAT وUN WOMEN له‌عراق و هه‌رێم كوردستان روی له پرووژه‌ی په‌ره‌داين و تازه‌كردنه‌وه‌ی كه‌رت گشتی كه‌ن له پاريزگای سلێمانی و ئه‌گه‌ر هات و ئی پرووژه جوور تاقيكردنيگ سه‌ركه‌فتن وه‌ده‌س هاورد، ئه‌وه له‌باقی پاريزگايه‌يل تر عراقيش ئی پرووژه جيوه‌جی كريه‌يد.
عوسمان هه‌ميش وت: وه‌رپرسه‌يل ئی ريكخرياگه‌يل سه‌ر وه نه‌ته‌وه‌يل يه‌كگرتگه دانيشتنيگ وه‌ل به‌هرۆز محه‌مه‌د ساڵح پاريزگار سلێمانی و شماره‌يگ له وه‌ڕيه‌وبه‌ره‌يل دام و ده‌زگايه‌يل حكوومی ئه‌نجام دانه ئه‌را ده‌رخستن ئه‌و ميكانيزمه ك وه‌پی په‌ره دريه‌يده تازه‌كردنه‌وه‌و په‌ره‌داين كه‌رت گشتی.
ج . أ
