گەنجیگ چوودە گژ دیوار پەناگەی ترەمپ تا داوای نەوەگەی بکەێد
شەفەق نيوز/ پولیس ئەمریکا، توەنست گەنجیگ لە تەمەن 23 ساڵان بگرێد، دویای ئەوە کە تەقەلا کرد ئەرا ناو پەناگەی گرانبەهای "مارالاگو" لە فلۆریدا دزە بکەێد، کە دۆناڵد ترەمپ سەرۆک ئەمریکا خاوەنیە.
ئەو گەنجە وەناو ئەنتۆنی تۆماس رییس، پاسەوانەیل سەرسام کرد، هەناێ وت: هاتمە تا پەیام ئینجیل وە سەرۆک ترەمپ بڕەسنم، و داوای نەوەگەی بکەم.
دویای نیمەی شەو سێشەممە، رییس چگە گژ پەرژین ئەو پەناگە، کە هیشت فیکەی هوشداری بکوتێد، و یەکەی خزمەت نهێنی زویوەزوی باێد، و ئەویش خوەی بەێدە دەس، ئیجا دریا دەس پولیس پاڵم بیتچ.
وەرژەیە رییس لە شەو سەرساڵ تەقەلا داگە بچوودە ئەو شوینە، وەلێ ئاگاداری لەو کارە کریا، کە یە دویەم جارە باێدە کڕ ئاسایش ئەو شوینە بووڕێد.
وەگورەی ڕاپۆرت پولیس؛ دەسدرویژیکردن وەبان موڵکیگ خاوەندار لەبان رییس توومار کریا، و کەفالەی وە 1000 لەبانی توومار کریار ئیجا بەرزەو بوی ئەرا 50 هەزار دۆلار، لەوەر کردەوەی وەریونی، لە وەختیگ لایەنەیل پەیوەندیدار وەدویر نیەزانن توومەتەیل فیدڕاڵی ترەک لەبانی توومار بکریەێد.
