ناحيه‌يگ له‌ دياله‌ ئاشكرای به‌رپابوين كيشمه‌كيش ناونی ريكخرياگه‌يل چه‌كدار كرد

ئه‌و سه‌رچه‌وه‌ ك نه‌تواس ناوی ئاشكرا بوود، ئه‌را(شه‌فه‌ق نيوز)وت: دويه‌كه‌ له‌ په‌لاماره‌يل جياجيايگ گرووپه‌يل چه‌كدار له‌ ناحيه‌ی سه‌عديه‌‌ دو كه‌س كوشتنه‌ ك يه‌كيگيان له‌لايه‌ن ده‌زگايه‌يل ئاسايشه‌و داواكرياگ بويه‌و ناكووكی ناونيانيش ئه‌را ماوه‌يگه‌ ده‌س وه‌پيكردگه‌.

سه‌رچه‌وه‌گه‌ هه‌ميش وت: هووزه‌يل نيشته‌جی حه‌مرين گه‌ردين له‌شوون ترۆر و بكوشه‌يل ره‌ته‌و كه‌ن و هه‌وڵ وه‌رفراوانيگ ده‌ن ئه‌را گرده‌وكردن زانياری و هاوكاری وه‌ل هيزه‌يل ئاسايش و راوناين ئه‌و ريكخرياگه‌يل چه‌كداره‌ ك بوينه‌سه‌ مايه‌ی‌ هه‌ڕه‌شه‌كردن له‌ ژيان مه‌ردم سه‌عديه‌و ناوچه‌يل حه‌مرين.

ج . أ