مالكی چه‌ن ريككه‌فتنيگ له‌ بواره‌يل وزه‌و ته‌كنۆلۆجيای زانياری وه‌ل هند ئمزا كرد

له‌ به‌ياننامه‌ی نويسينگه‌ی مالكی ك روينويسيگی ره‌سيه‌(شه‌فه‌ق نيوز)ئه‌وه‌ ده‌ركه‌فت ك شاند كومار عراق وه‌ سه‌رۆكايه‌تی نوری مالكی و شاند هند وه‌ سه‌رۆكايه‌تی مانموهان سينغ سه‌رۆك ئه‌و وڵاته‌ دانيشتنيگ له‌ نيوده‌لهی پايته‌خت وڵاته‌گه‌ ساز كردنه‌و له‌و دانيشتنه‌ جه‌خت له‌بان په‌يوه‌نديه‌يل دووسايه‌تی و هاوكاری ناونی هه‌ردوگ وڵات كرياگه‌ ئه‌را قوناغ ئاينده‌ له‌ هاوبه‌شی و هاوكاری ستراتيجی و هه‌ميش ئمزا له‌بان چه‌ن ريككه‌فتنيگ له‌ بواره‌يل جوور وزه‌و نه‌فت و ته‌كنۆلۆجی زانياری و سه‌رچه‌وه‌يل ئاوی و كاروبار دبلۆماسی و چشته‌يل تر كرياگه‌.

جی باسه‌، پيره‌كه‌ مالكی وه‌ ياوه‌ری شانديگ كه‌فته‌ڕی وه‌ره‌و هند ك پيكهات له‌ وه‌زيره‌يل نه‌فت و كشتوكاڵ و ته‌ندروسی و ليژنه‌ی وه‌به‌رهاوردن و شماره‌يگ له‌ وه‌كيل و راويژكارو بڕيگ له‌ پياوه‌يل كار.

ج . أ