ماڵئاوایی لە فارسی.. کەنداو نازناو عەرەبی خوەی لەبان گووگڵ وەدەسهاورد
شەفەق نیوز/ نەخشەی گووگڵ ناو "کەنداو فارسی" ئاڵشتکرد ئەرا "کەنداو عەرەبی"، وە وەکارهاوەرەیل راگەیان ئیرنگە ئیرنگە مینەکردن ئەرا کەناو عەرەبی وە ناو "کەنداو عەرەبی"نیشان دەێد.
وەکارهاوەرەیل دیاریکردنە، لە خوەرهەڵات ناوڕاس پلاتفۆرمەگە ناو کەنداو عەرەبی نیشاندەێد تەنانەت هەنای واژەی (کەنداو فارس) مینەکەێد، "گۆگل" هویچ رونکردنەوەی فەرمیگ لەی ئاڵشتکردنە پیشکەش نیەکەێد.
لە گوزەشتە ئاژانس ئەسوشیتد پرس راگەیان، سەرۆک ئەمریکا دۆناڵد ترامپ پیشنیاز ئاڵشتکردن ناو کەنداو ئەرا "کەنداو عەرەب" کردیە.
یەیش لە وەختیگە پەیوەنی پیشکەفتیەیل ناوەین واشنتۆن و تەهران هەس لەباوەت دۆسیەی ئەتۆمی، وەگەرد پاڵنەریل عەرەبی ئەرا ئاڵشتکردنی ناو مێژوویی کەنداو.
لایخوەیشەو، وەزیر دەرەوەی ئیران عباس عەراقچی پیلانەیلسەرۆک ئەمریکا ئەرا وەرگردن ناو "کەنداو عەرەبی" وە گامیگ سیاسی و دوژمنکارانە وەسفکرد، وە لەوەرچەوگردن ئەوەگ "هەر گامیگ کوڵنوڕین لەی باوەتە هویچ شەرعیەت و کاریگەرییگ یاسایی و جوگرافیای نەیرێد، و تەنیا تویڕەیی گشت ئیرانیەیل لە گشت گروپ و ئاراستە سیاسییەیل ناوخوەی ئیران و ئەمریکا و دەوروگەردی تیارێد.
