ئمڕوو رووژ جەهانی ژنەیلە
شەفەق نیوز/ ئمڕوو لە سەرانسەر جەهان و لە هەرێم کوردستان وەبوونەی رووژ جەهانی ژنەیل 8مارس چەندین چالاکی جوراوجویر وەڕیوەچوود و خەڵات و رێزلێنان وەخشرێدە ژنەیل سەرکەفتی.
دروشم ئمساڵ نەتەوە یەکگرتگەیل ئەرا 8 مارش بریتیە لە "ماف و یەکسانی و وەهێزکردن ئەرا گشت ژنەیل و دویەتەیل".
ئەنتۆنیۆ گۆتێرێس، سکرتێر گشتیی نەتەوە یەکگرتگەیل دویەکە دواکرد " گامیگ زیاتر بنرێد ئەرا داکۆکیکردن لە مافەیل گشت ژنەیل".
وەپای راپۆرتیگ ئمساڵ نەتەوە یەکگرتگەیل "وەرجە ساڵ 1995 تەنیا 12 وڵات سزای یاسایی داشتن ئەرا تونوتیژی خێزانی، ئمڕوو لە 193 وڵات 1583 رێوشوی یاسایی جیوەجیکریانە کە 354یان رێوشوین تایبەت وە تونوتیژی خێزانی کردنەسە ئامانج" لەهەمان وەخت باس لەوەیشکەێد ئمڕوو 112 وڵات پلان نیشتمانیی دیرن لەباوەت وە ژنەیل، ئاشتی و ئاسایش، یەیش زیایبوین وەرچەو لەچەو 19 وڵات لەساڵ 2010".
