مەسک هوشداری دەێد لە فەوتیان ئایەم لە ئاسیا و ئەوروپا
شەفەق نیوز/ ملیاردێر ئەمریکی ئیلۆن مەسک، هوشداری دا لە فەوتیان ئایەم لە ئاسیا و ئەوروپا، و دووپات کرد کە ریژەی زایین لەو دوو کیشوەرە کەمەو بویە.
مەسک لە دیکۆمینت لەبان پۆستیگ لەبان پلاتفۆرم ئێکس، لەبان پێشنیاریگ وەلایەن رووژنامەوان سویدی، پیتەر ئیمانویلسن، کە وەخشین باج لەبان ژنەیل لە ئەوروپا خوازێد وە ئامانج زیایکردن مناڵەیل وت: ئی کارە شایستەی تەقەلاس، بایەسە چشتیگ ئاڵشت بکریەێد، وەنە ئەوروپا و ئاسیا و فرەی شوینەیل جەهان فەوتیەن.
وەرجەیە، ملیاردێر ئەمریکی داوای زیایکردن زایین کرد ئەرا گەرەنتی وەردەوامی مرۆایەتی، وەنە کۆتایی وە جەهان تیەێد.
هوشداری مەسک لە دویای مەزەنەیلیگ هات کە شمارەی دانیشتگەیل جەهان ئەوەسا ئەرا یەکەمین جار کەمەو بوود لە ساڵ 2100، و ئەوەیش کاریگەری ئابووری و کۆمەڵایەتی قویلی درێد، وەگورەی رووژنامەی ئێکسپڕس ئەمریکی.
دەوڵەمەندترین کەسایەتی لە جەهان، و سەرۆک جیوەجیکار کۆمپانیای تێسلای ئەمریکی وتیش؛ بایەسە مەردم مناڵ زیاتر بارن، ئەرا مسۆگەرکردن مەنین ئایەم.
لە نیشان گوزەشتە، مەسک باس داوەزیان تیژ ریژەی گەنجەیل ئەمریکا کرد مە مناڵ دیرن، لە ماوەی ئی 30 دویاییە، کە وت کارەساتیگە ئەرا ئەمریکا.
