ليژنه‌ی ده‌سپاكی چه‌وديری دارايی گه‌ورا وه‌رپرسه‌يل ئه‌كاو فيشتر له ١٥٠ سه‌ردان ئه‌را ده‌زگايه‌يل ده‌وڵه‌ت ئه‌نجام داگه
له مانگ ئه‌يلوول گوزه‌يشت وه‌خاتر دقه‌تكردن دارايی گه‌ورا وه‌رپرسه‌يل.
له به‌ياننامه‌ی ليژنه‌ی ناوبرياگ ك روينويسيگی ره‌سيه(شه‌فه‌ق نيوز)ئه‌وه ده‌ركه‌فت ك تيمه‌يل چه‌وديركردن له ماوه‌ی مانگ ئه‌يلوول گوزه‌يشت ١٥٢ سه‌ردان ئه‌را ده‌زگايه‌يل ده‌وڵه‌ت ئه‌نجام دانه وه‌خاتر چه‌وديريكردن ديارده‌يل رشپه‌ت و چوينيه‌تی واقع ئه‌نجامداين ئه‌ركه‌يل و سروشت په‌يوه‌نديه‌يل له‌ناونی كارمه‌ند و هاووڵاتيه‌يل و دقه‌تكردن دارايی گه‌ورا وه‌رپرسه‌يل.
ده‌زگای چه‌وديری له ليژنه‌گه ئه‌وه ده‌رخست ك تيمه‌يل چه‌وديريكردن ٩٥ سه‌ردان ئه‌را بانكه‌يل و ده‌زگايه‌يل هاتوچوو و بازاڕ دارايی و كومپانيايه‌يل ئه‌نجام دانه وه‌ل دقه‌تكردن دارايی و پويل له‌بانك نرياگ و سه‌ياره‌و به‌شداشتن له كومپانيا وه‌ناو گه‌ورا وه‌رپرسه‌يل و هاوسه‌ره‌يل و روڵه‌يليان و ٢٥ سه‌ردانيش ئه‌را ئه‌نجوومه‌ن دادگای باڵا و بڕيگ له وه‌ڕيه‌وبه‌رايه‌تی و ده‌زگايه‌يل ئه‌ميندارێتی ئه‌نجام دانه وه ئامانج دقه‌تكردن فايل كارمه‌نده‌يل و ئاست پابه‌ندبوينيان و ره‌فتار وه‌زيفی ئه‌و كارمه‌نده‌يل له‌وه‌رانوه‌ر هاووڵاتيه‌يل و ١٥ سه‌ردانيش ئه‌را وزاره‌ته‌يل جياجياو ١٧ سه‌ردانيش ئه‌را ده‌زگايه‌يل پاسه‌پۆرت كازميه‌و كه‌رخ و ده‌زگای ره‌گه‌زنامه‌و شوونه‌يل تر له به‌غدا ئه‌نجام دانه.
ج . أ
