ليژنه‌ی ده‌سپاكی: مالكی و جيگره‌گه‌ی ئاشكرای زمه‌ت داراييان كردن

حه‌سه‌ن كه‌ريم عاتی قسه‌كه‌ر وه‌ناو ليژنه‌گه‌ له‌ به‌ياننامه‌يگ ئه‌را(شه‌فه‌ق نيوز)وت: ئه‌و هه‌واڵه‌يله‌ ك لايه‌نه‌يليگ بڵاويه‌و كردن دو غه‌ڵه‌ت گه‌ورا له‌تی بويه‌، يه‌كه‌ميان ئه‌وه‌ بوی ك ئه‌و درووه‌ نريا ده‌م ليژنه‌ی ده‌سپاكی و دويه‌ميش ئه‌وه‌ بوی ك گوايا مالكی نواگيری له‌ ئاشكراكردن زمه‌ت دارايی خوه‌ی كردگه‌، يه‌يش له‌وه‌ختيگ ك ليژنه‌گه‌ له‌ڕی ماڵپه‌ڕه‌يل ئه‌لكترۆنی و هووكاره‌يل ره‌سانن ئاشكرای كرد ك يه‌كه‌مين ده‌سپيشخه‌رو ئه‌وانه‌گ زمه‌ت دارايی خوه‌يان ئاشكرا كردنه‌ ئه‌ندامه‌يل حكوومه‌ت و ده‌سڵات جيوه‌جيكار بوی.

قسه‌كه‌ر وه‌ناو ليژنه‌گه‌ فيشتر وت: من سه‌رم سوڕمينيد له‌ی جووره‌ هووكاره‌يل ره‌ساننه‌ ك له‌ی جووره‌ غه‌ڵه‌ته‌يليگ كه‌ن و له‌كه‌دار خوه‌يان وه‌پيان كه‌ن فيشتر له‌وه‌ك له‌كه‌دار كه‌سه‌يل تر وه‌پی بكه‌ن.

ج . أ