ليژنه‌يگ نوێنه‌رايه‌تی ياسای خانه‌نشينی وه مينڕيژكرياگ تاريف كرد
.
ماجده تميمی ئه‌ندام ليژنه‌ی ناوبرياگ ئه‌را(شه‌فه‌ق نيوز)وت: له‌وه‌خت خوه‌ندنه‌وه‌ی هووكاره‌يل داناين ياسای خانه‌نشينی، يه‌كيگ له خاڵه‌يل ئاماژه وه كه‌مه‌وكردن ئاست موچه‌و جيوه‌جيكردن دادگه‌ری ئه‌كا، ك يه‌يش مه‌سه‌له‌ی خاسيگه، وه‌لی بڕگه‌يل ياساگه چه‌واشه‌ی ئه‌وه‌سه‌و سه‌رۆك وه‌زيره‌يل و نوێنه‌ره‌يلی و سه‌رۆك كومار و نوێنه‌ره‌يلی موچه‌يليان مينيد.
تميمی هه‌ميش وت: پرووژه ياسای خانه‌نشينی هه‌ق خزمه‌ت وه‌لای كه‌مه‌و ١٥ساڵ داسه سه‌رۆك وه‌زيره‌يل و سه‌رۆك كومارو نوێنه‌ره‌يليان، وه‌لی موچه‌ی خانه‌نشينی وه گووره‌ی وه‌رگرتن دويا موچه داسه وه‌زيره‌يل و هه‌ق خانه‌نشينی ئه‌را ئه‌ندامه‌يل ئه‌نجوومه‌ن نوێنه‌ره‌يليش ئه‌را ئه‌و‌انه‌سه ك ١٥ساڵ خزمه‌ت ديرن له ده‌وڵه‌ت ك ئه‌ويش وه پله‌ی وه‌ڕيه‌وبه‌رگشتی تازه دامه‌زرياگ، هه‌ر له‌وه‌ر ئه‌وه‌يش تميمی ئه‌و كه‌سه‌گ ك ئی ياسا داناگه وه نه‌فام و له‌ژير فه‌رمان كه‌سيگ ترتاريف كرد وه‌خاتر لاوردن ئه‌نجوومه‌ن نوێنه‌ره‌يل و جه‌خت له‌وه‌يش كرد ك ياساگه پڕه له ده‌روازه‌يل گه‌ناته‌كاری.
ج . أ
