له موسڵ دو وه‌رپرس زه‌خمدار بوی و هه‌فت چه‌كدار كوشياو ١٥يش ده‌سگير كريا
2013-10-12T11:22:06+00:00
له كرده‌وه‌يل چه‌كداری له‌شار موسڵ.
ئه‌و سه‌رچه‌وه ك نه‌تواس ناوی ئاشكرا بوود، ئه‌را(شه‌فه‌قنيوز)وت: ده‌مه‌و شه‌وه‌كی ئمڕوو هيزيگ له پۆليس كرده‌وه‌يگ ئاسايشی له ناوچه‌يل باشوور موسڵ ئه‌نجام دانه له روی وه‌ڕوی بوينه‌وه‌ی گرووپيگ چه‌كدار، ك له‌و په‌لاماره فه‌رمانده‌ی فه‌وجيگ له پۆليس و ئه‌فسه‌ريگ له هه‌واڵگری زه‌خمدار بوينه‌و هه‌فت چه‌كداريش كوشيانه.
سه‌رچه‌وه‌گه هه‌ميش وت: وه‌گووره‌ی ده‌سكه‌فتن زانياريه‌يل هه‌واڵگری پڕ دقه‌تيگ، هيزيگ هاوبه‌ش له سوپاو پۆليس له ناوچه‌ی شوقه‌يل سه‌وز له ديم راس شار موسڵ تويه‌نستنه ١٥ داواكرياگيش ده‌سگير بكه‌ن ك تومه‌ت ترۆر ها بانيان وه گووره‌ی مادده‌ی چوار ترۆر.
ج . أ
