ئیلام فەیلی ساڵانە پیشوازی لە 8 ملیۆن سەردانکەر کەێد
شەفەق نيوز/ رزا دارابی جیگر پارێزگای ئیلام فەیلی ئەرا کاروبار مەدەنی لە ئیران راگەیان کە پارێزگاگە ساڵانە پیشوازی لە نزیکەی 8 ملیۆن سەردانکەر و گەشتیار کەێد، لەناویان زیاتر لە 3.5 ملیۆن لە وەرز زیارەت چلەی ئیمام حسێن وە مەرز سنووری مهرانەو رەد بوون، کە گرنگی دەێدە ئی مەرزە ئەرا جموجویل زیارەتکەرەیل و جویلەی زیاتر لە 55% لە گشت جویلەی حاجیەیل وڵات کەفێدە بانی.
لە گردەوبوینیگ تایبەت لە بارەگای گواستنەوەی سنووری تایبەت وە زیارەتکەرەیل چلە، وە ئامادەبوین سەرۆک یەکێتی گواستنەوەی مەدەنی لە ئیرانڕ دارابی دووپات لە گرنگی گەشەپیدان ژیرخانەیل و توانایەیل لە مەرز مهران، وەگورەی بڕ زیارەتکەرەیل کە زیایەو بوود، وەتایبەت لە وەرزەیل لویتکە جویر چلەی ئیمام حسێن و جەژن نەورووز، کە پارێزگاگە رەدبوین زیاتر لە 500 هەزار گەشتیار لە یەک وەرز جەژن توومار کرد.
دارابی وتیش: زیارەت چلەی ئمساڵ کەفێدە وەگەرد بەرزەوبوین گەورەیگ لە پلەی گەرمی، کە خوازێد وەزوی پەناگەیل سایەدار و شوین ماشین دروس بکریەن، تا زیان زیارەتکەرەیل کەمەو بوود، و هامشوو ئاسانەو بوود.
دیاری کرد کە پارێزگاگە پلان هاتوچو تەواویگ ئەرا شار مهران دانار لەناوی رێکخستن هاتن و دەرچگن لە شوینەیل زیارەتکەرەیل وەشیوەیگ ریڕەوی ئەرا دویرکەفتن لە قەرەباڵغ.
دارابی دیاری کرد کە ریژەی ئەوانەگ دەرچن زیاترە لەوانەگ گلەو خوەن وە 25%، کە سەختیەیل لۆجستی زیاتریگ چەسپنێد، و ریکارەیلیگ پیشکەفتگ لەلایەن ناوەند گواستنەوەی سنوور خوازێد ئەرا مسۆگەرکردن ئاسانی جموجویل و کەمەوکردن دیرکەفتن.
