لە وڵات پیرۆ چەمیگ رەنگی سوورەو بوود

شەفەق نیوز/ لە وڵات پیرۆ چەمیگ لەناوکاو رەنگی ئەرا سوور ئاڵشتەو بوی، یەیش بویە مدوو دروسبوین رخیگ لەناو مەردمەگە و ورپرسەیل  وڵاتەگە نیگەران کردیە.

وەپای  زانیارییەیل ماڵپەڕ " The Sun " چەم 

ڕیماک کە وەناو لیمای پایتەخت پیرۆ رەدبوود، لە ناکاوەو رەنگەگەی ئاڵشتبوی و بویە سوور و مەردم ناوچەگە و وەرپرسەیل وەپی نیگەران بوینە وەگورەی ئەوەگ چەمەگە وە سەرچەوەی گرنگیگ  ئاو ئەرا وڵاتەگە دانرێد.

 وەرپرسەیل شار لیما وەدویاچگن ئەرا هووکار دیاردەگە و کاریگەریەیلی کەن هەمیش نموونەیگ لەلی ئەرا تاقیگە کلکردنە تا بزانن هویچ مادەیگ کیمایی هاناو چەمەگە یا نە.

جی باسە چەم ریماک درویژیەگەی 160کیلومەترە ناوچەیل باکوور و باشوور لیمای پایتەخت ئاودەێد و نزیکەی 30 کان ها بانی و زیاتر لە 500 لویلەی ئاوەڕۆ وەناویا رشێد.