لە مانگ ئەیلوول مانگگیریان ناوازەیگ روی دەێد

شەفەق نیوز/ دانشتگەیل چەوەڕێ دیاردەیگ فەلەکی ناوازە بوون لە شەو  ٧ تا ٨ی ئەیلوول ٢٠٢٥ مانگگیرانیگ دەگمەن و تەواو رویدەێد کە درویژترین مانگیریانە لەساڵ.

 وەپای داتایەیل "global petrol prices"، زیاتر لە شەش ملیار کەس لە ئاسیا و خوەرئاوای ئوسترالیا، کە کەێدە 77%ی دانشتگەیل جەهان، توەنن تەواو مانگگیرانەگە وەچەو بوینت، لە وەختیگ دانشتگەیل وڵاتەیل ئەوروپا، ئەفریقا، خوەرهەڵات ئوسترالیا و نیوزلەندا بەشیگ لە مانگگیرانەگە دوینن، باوجی دانشتگەیل ئەمریکا نیەتوەنن بدویننێ.

مانگگیریانەگە ٨٢ خولەک وەپی چوود ویەوە بوودە درویژترین مانگگیریان لەی دەیە، دیمەنە فەلەکناسیەیل وە دیاردەیگ ناوازە و تایوەت باسی کن.

مانگ وە سوور تۆخ دەرکەفێد، هنای  تیشک خوەر وە بەرگەهەوای زەوی رەدبوود و وەرەو مانگ شکێد، ئیەش دیاردەیگە وە  "مانگ خوین" ناسریاگە، سا زەوی نزیکەی 36%ی تیرەی مانگ گرێد.

خوەرهەڵات ناوەڕاس و ئاسیا لە خاسترین ناوچەیل بوون ئەرا نوڕینە دیارەگە، ئیەش دیارترین وەختەیلە لە چەن شاریگ:

قاهیرە، ڕیاز، بەغدا، بەیروت، دیمەشق، عەمان: ساعەت ٨:٣٠ شەو تا ٩:٥٢ شەو

پەکین و هۆنگ کۆنگ: ساعەت ١:٣٠ شەوەکی تا ٢:٥٢ شەوەکی

تۆکیۆ: ساعەت ٢:٣٠ شەوەکی تا ٣:٥٢ شەوەکی

سیدنی: ساعەت ٣:٣٠ شەوەکی تا ٤:٥٢ شەوەکی

مۆسکۆ: ساعەت ٨:٣٠ی شەو تا ٩:٥٢ی شەو

ئەستەنبوڵ: ساعەت ٨:٣٠ شەو تا ٩:٥٢ شەو

لەندەن: ساعەت ٦:٣٠ی شەوەکی تا ٧:٥٢ی شەوەکی

شارەیل جویر کازابلانکا و تونس و جەزائیر تەنیا لە قۆناغە سەرەتاییەیل یا کۆتاگەی  مانگگیرانەگە دوینن.