كوردستان خوه‌شاڵ بوی وه ريككه‌فتن ده‌وڵه‌ته‌يل 1+5وه‌ل ئيران
، چوينكه هه‌ردوگلا ره‌سنه ريككه‌فتنيگ كووتايی له‌وه‌ر خاتر ئاشتی و سه‌قامگيری ناوچه‌گه.
له به‌ياننامه‌ی سه‌رۆكايه‌تی حكوومه‌ت هه‌رێم ئه‌را(شه‌فه‌ق نيوز)ئه‌وه ده‌ركه‌فت ك هه‌ولێر خوه‌شاڵه وه‌و ريككه‌فتنه ك ئه‌نجام گرت له‌ناونی لايه‌ن ئيرانی و بڕيگ له ده‌وڵه‌ته‌يل ك پيكهاتنه له ئه‌مريكاو بريتانياو فره‌نساو روسياو چين و ئه‌ڵمانيا، ك وه‌گام خاسيگ تاريفی كرد.
له به‌ياننامه‌گه يه‌يش ده‌ركه‌فت ك ديد هه‌ولێر ئه‌وه‌سه ريككه‌فتن يه‌كه‌م جنێف ك په‌يوه‌سه وه به‌رنامه‌ی ئه‌تۆمی ئيرانی سه‌ره‌تای خاڵ ده‌س وه‌پيكردنه ئه‌را ريككه‌فتنيگ كووتايی له‌ناونی هه‌ردوگلا له‌وه‌ر خاتر ئاشتی و سه‌قامگيری.
جی باسه، رووژ يه‌كشه‌ممه‌ی گوزه‌يشت په‌نج ده‌وڵه‌ت هه‌ميشه ئه‌ندام له ئه‌نجوومه‌ن ئاسايش و ئه‌ڵمانيا(٥+١) ره‌سينه ريككه‌فتنيگ وه‌ل ئيران له‌دويای په‌نج رووژ له دانيشتن و گفتگوو له جنێف و له ئاكام ئه‌وه‌يش ته‌هران رازی بوی له‌بان داناين مه‌رزه‌يليگ ئه‌را بڕيگ له چالاكيه‌يل ئه‌تۆميه‌گه‌ی له وه‌رانوه‌ر كه‌مه‌وكردن ئه‌و ئابڵوقه ك له‌بانی چه‌سپيا.
ج . أ
