كورد له ئه‌نجوومه‌ن دياله سه‌رۆكايه‌تی وه‌زه‌و چه‌وديری كوومه‌ڵايه‌تی وه‌رگرت
له‌ناو پاريزگاگه ك پيكهاتگه له ٢٤ ليژنه‌و جه‌خت له‌وه‌يش كرد ك به‌شكردن ليژنه‌يل سه‌ره‌تای ده‌سوه‌پيكردن ئه‌رك چه‌وديريه ئه‌را ئه‌نجوومه‌نه‌گه له‌بان كاره‌يل ده‌زگايه‌يل خزمه‌تگوزاری.
محه‌مه‌د جه‌واد حه‌مدانی سه‌رۆك ئه‌نجوومه‌ن دياله له به‌ياننامه‌يگ ك روينويسيگی ره‌سيه (شه‌فه‌ق نيوز)وت: دويه‌كه ئه‌نجوومه‌ن پاريزگای دياله دانيشتنيگ ساز كردگه وه ئاماده‌بوين ٢٠ ئه‌ندام و له‌تی تاوتوی چه‌ن دوسيه‌يگ كرياگه‌و له‌وانه‌يش مه‌سه‌له‌ی يه‌كلاكردنه‌وه‌ی دامه‌زرانن و دابه‌شكردن ليژنه‌يل ناوه‌ندی و بڕيار دامه‌زرانن ١١ ليژنه‌ی ئه‌را هاوپه‌يمانی دياله‌ی نيشتمانی و ١١يش له به‌رژه‌وه‌ندی فراكسيۆن عراقيه‌ی دياله‌و ٢ ليژنه‌يش ئه‌را هاوپه‌يمانی كوردستان.
حه‌مدانی هه‌ميش وت: هاوپه‌يمانی دياله‌ی نيشتمانی سه‌رۆكايه‌تی ليژنه‌يل ئاسايش و قه‌ره‌بووكردن و ئاوه‌دانی و په‌روه‌رده‌و نه‌خشه‌ناين و په‌يوه‌نديه‌يل گشتی و ئه‌نجوومه‌نه‌يل ناوچه‌يی و ليژنه‌ی ئابووری و ژن و مناڵ و هه‌قه‌يل ئاده‌ميزادو كووچ و كووچبه‌ره‌يل وه‌رگرتگه‌و ليست عراقيه‌ی دياله‌يش ليژنه‌يل وه‌به‌رهاوردن و ته‌ندروسی و ريكخرياگه‌يل كوومه‌ڵگه‌ی مه‌ده‌نی و كشتوكاڵ و سه‌رچه‌وه‌يل ئاوی و ره‌سانن و وه‌رزش و خزمه‌تگوزاری ئاشته‌وايی نيشتمانی و ئه‌وقاف و ياسايی و ده‌سپاكی وه‌رگرتگه‌و ليست برايه‌تی و وه‌يه‌كه‌وژيان كوردستانييش سه‌رۆكايه‌تی ليژنه‌يل چه‌وديری كوومه‌ڵايه‌تی و ليژنه‌ی وزه وه‌پی درياگه.
ج . أ
