كارگه‌ره‌يل كورد له پرۆژه‌ی چاڤی لاند دويره‌و خريان
به‌كر محه‌مه‌د ئبراهيم وه‌رپرس ره‌سانن سه‌نديكاگه له‌باسيگ ئه‌را (شه‌فه‌ق نيوز) وت: سه‌رپه‌شياره‌يل پرۆژه‌ی چاڤی لاند گه‌شتياری ٤٠ كارگه‌ر كورد ده‌ركردنه‌و كووتايی وه رێككه‌فتنه‌يليان هاوردنه له‌وه‌ر ئه‌وه‌ك وه‌ل كۆمپانيايگ تر رێككه‌فتنه‌و ئه‌و كۆمپانيا خوه‌ی له ده‌يشت هه‌رێمه‌و كارگه‌ر ئه‌يه‌رێ.
ئبراهيم هه‌ميش وت: له‌وه‌رگرتن ئی رێ وشوونه سووكايه‌تيكردنه وه هه‌قه‌يل ئاده‌ميزاد و له‌ی باوه‌تيشه‌و سه‌نديكاگه داوا له‌و كارگه‌ره‌يل كورده كرد شكايه‌ت دادگايی به‌رزه‌و بكه‌ن دژ ئه‌و سه‌رپه‌رشياره‌يله تا سه‌نديكاگه له‌ڕی پارێزه‌يليه‌و چه‌وديری مه‌سه‌له‌گه بكا وه‌شيوه‌يگ ياسايی.
جی باسه، شار چاڤی لاند گه‌شتياری يه‌كيگه له‌پرۆژه‌يل كۆمپانيای ناليا و له‌بان رویوه‌ر ٨كم٢ بنيات نرياگه وه بڕه بودجه‌ی ٢٠٠ مليۆن دۆلار له‌بان كويه‌ی گۆيژه له‌شار سلێمانی.
ج . أ
