"قارچک ژەهرین" لە ئەوروپا بڵاو بوود و هەڕەشەی ژیان 9 ملیۆن كەس دەێد
شەفەق نیوز/ تیمیگ توێژەرەیل مەزەنە کەن بڵاوبوینە قارچکیگ کوشندە لە ئەوروپا و بەشیگ جیهان زیای بکەێد لەوەر بەرزبوین پلەی گەرما کە لە ئەنجام ئاڵشتبوین کەشوهەوا دروس بویە.
توێژینەوەیگ لەلایەن ویلکۆم تراست لە زانکۆی مانچستەر دەرخستگە کە "Aspergillus fumigatus کە جوریگە لە گەنیایی کە توانێد بوودە مدوو کێشەی جددی سوییە و هەناسەدان، توەنێد بوودە مدوو ئاڵشتکارییگ گەورە لە ژینگەی تەندروسی جیهانی، کە ئەو کەسەیلە سیستەم وەرگریان لاوازە یا تویش تەنگەهەناس یا ڕیشاڵی کیسی دیرن رخداری زیاتر هابانیان".
هەڵمژین سپۆرەیلی فرەجار بیماری لەلای گشت مەردم دروس نیەکەێد، بەڵام قارچکەگە ئەرا ئەو کەسەیلە کوشندەس کە فرەترین ئامادەیی ئەرای دیرن.
هەرلیوا، لێکۆڵینەوەیل دەرخەن کە Aspergillus fumigatus توانێد فراوانترەو بوود و 77%ی رووبەر زەوی زیاتر بگرێدەو تا ساڵ 2100 لە ئەنجام گەرمبوین جیهان و وەکارهاوردن سزەمەنی بەردینی.
وەگورەی ئی مەزەنە، توانێد نزیکەی 9 ملیۆن کەس لە ئەوروپا بخەێدە رخداری تویشهاتن وە ڤایرۆسەگە، ئی فراوانبوینە زویوەزوی قارچکەگە وە توانای گەشەکردنی لە پلەی گەرمی بەرز کە رەسێدە 37 پلەی سەدی کە پلەی گەرمی لەش ئایەمە.
