فوئاد حسێن ئاشكرای سه‌ردانيگ تر مالكی كرد ئه‌را هه‌ولێر
دويه‌شه‌و فوئاد حسێن له باسيگ ته‌له‌فزيۆنی ك(شه‌فه‌ق نيوز)ئاگاداری بوی، وت: سه‌ردان مه‌سعود بارزانی سه‌رۆك هه‌رێم ئه‌را به‌غدا گاميگ تره ئه‌را مه‌سه‌له‌ی دانيشتنه‌يل ناونی به‌غداو هه‌ولێر، چوينكه بارزانی ئه‌را ماوه‌ی فره‌يگه سه‌ردان به‌غدا نه‌كردگه‌و له‌دانيشتنيگ گرنگ وه‌ل مالكی باس له ده‌س وه‌پيكردن سه‌ره‌تای كار ليژنه‌يل كردگه له مانگ ره‌مه‌زان.
حسێن هه‌ميش وت: مالكی وتگه له مانگ ره‌مه‌زان سه‌ردان هه‌ولێر كه‌م و له‌هه‌مان وه‌خت داوه‌ت ئيمه‌يش كرد سه‌ردان به‌غدا بكه‌يم و هه‌ر له‌وه‌ر ئه‌وه‌يش بارزانی وت: ئی سه‌ردانمه ماوه‌گه‌ی كه‌م بويه‌و ئه‌گه‌ر جاريگتر هاتيمنه‌و ماوه‌ی فيشتريگ مينيم .
جی باسه، گرنگی سه‌ردانه‌گه‌ی بارزانی دويای داوڕيان فره‌يگ ئاكامه‌يل دانيشتن و گفتوو خاسيگ له‌لی كه‌فته‌و ئه‌را چاره‌سه‌ر كيشه‌ی ناونی هه‌ردوگلاو.
ج . أ
