فراكسيۆن سه‌در دو شكايه‌ت دژ په‌رله‌مان و حكوومه‌ت به‌رزه‌و كرد

.

به‌ها ئه‌عره‌جی سه‌رۆك فراكسيۆنه‌گه‌ له‌ كۆنگره‌يگ رووژنامه‌نويسی وه‌ ياوه‌ری ئه‌ندامه‌يل فراكسيۆنه‌گه‌ی له‌ ناو باڵه‌خانه‌ی په‌رله‌مان ك(شه‌فه‌ق نيوز)ئاماده‌ی بوی، وت: مزايده‌ی فريه‌يگ سياسی هه‌س له‌بان هساو ملله‌ت عراقی و له‌وانه‌يش له‌بان مه‌سه‌له‌ی لاوردن موچه‌ی خانه‌نشينی هه‌رسێ سه‌رۆكايه‌تی و خاوه‌ن پۆسته‌يل تايبه‌ت.

ئه‌عره‌جی هه‌ميش وت: ئاشكرا دياره‌و دوينم ك چه‌نه‌ها له‌وه‌رده‌م مه‌رد قسه‌يگ كرديان و دوياخريش قسه‌ی تر كه‌ن و ژير وه‌ژيريش هه‌وڵ دروسكردن گرفت ده‌ن، هه‌ر له‌وه‌ر ئه‌وه‌يش فراكسيۆنه‌يل سياسی و له‌ناونيانيش فراكسيۆن ئه‌حرار هه‌وڵ دراوردن ياسايگ ئه‌ياد وه‌خاتر لاوردن موچه‌ی خانه‌نشينی ئه‌ندامه‌يل په‌رله‌مان و وزاره‌ته‌يل و خاوه‌ن پۆسته‌يل تايبه‌ت و هه‌ر وه‌و خاتريشه‌ ئه‌حرار له‌ ده‌روازه‌ی دڵسووزيه‌و ئه‌را ملله‌ت ده‌سكردن به‌رزه‌وكردن دو شكايه‌ت دادگايی ئه‌را دادگای عراقی ك يه‌كه‌ميان دژ ئه‌نجوومه‌ن نوێنه‌ره‌يل و دويه‌ميش دژ حكوومه‌ت له‌وه‌ر دروسكردن گرفت جيگيركردن ئه‌و ياسا.

ج . أ