کەفتە نوای ژاپۆن.. هندستان بوودە چوارەم گەورەترین ئابووری لە جیهان
شەفەق نیوز/ پی.ڤی.ئار. سوبراهمانیام، وڵڕیەوی٣ جوبەجیکار کۆمپانیای NITI Aayog (کۆمپانیای ئاڵشتکاری نیشتمانی هندستان) راگەیان کە هندستان بویەسە چوارەم گەورەترین ئابووری لە جیهان و کەفتیەسە نوای ژاپۆن.
سوبرامانیام دویای دەیەمین گردەوبوین دەسەی کارگێڕی کۆمپانیای نیتی ئایۆگ ئەرا رووژنامەنویسەیل وت: "ژینگەی جیۆپۆلەتیکی و ئابووریی گشتی ئەرا هندستان هاتە".
سوبرامانیام وتیش: ئیمە ئیرنگە چوارەم گەورەترین ئابوورییمن لە جیهان، ئابووریمان 4 تریلیۆن دۆلارە.
سەرۆک دامەزراوەی هویرکردن هندستان وە پشتبەسین وە داتایەیل سندوق دراو ناودەوڵەتی راگەیان کە ئیرنگە هندستان لە ژاپۆن گەورەترە.
سوبراهمانیام وتیش: تەنیا ئەمریکا و چین و ئەڵمانیا ئابوورییگ گەورەترن لە هندستان و ئەگەر پابەندبویمن وە پلانە کە دانریاس، وەنە لە ماوەی دوو ساڵ و نیم تا سێ ساڵدا یویمنە سێیەم گەورەترین ئابووری.
سوبراهمانیام مەزەنە کرد کە ئەو ئایفۆنەیلە کە لە ئەمریکا فرووشیەن لە ئەمریکا بەرهەم تیەن نەک لە هندستان یا شوسنیگ ترەک، نادیارە باجەیلی چە بوون، وە لەوەرچەوگردن داینامیکی، شوینیگ هەرزان بوود ئەرا بەرهەمهاوردن.
هندستان کار کەێد ئەرا کیشانن کۆمپانیا گەورە ناودەوڵەتییەیل ئەرا بەرهەمهاوردن لەورا، لەوەر کەمی خەرج کار و ڕێکارە ئاسانەیل.
لە مانگ ئازار ساڵ ٢٠٢٥ وەزارەت بازرگانی هندستان راگەیان کە بەرنامەی بەرهەمهاوردن سەرەکی تا مانگ نۆڤەمبەر ساڵ گوزەشتە وە بەهای نزیکەی ١٩ ملیار دۆلار وەرگردگە.
هندستان لە ساڵ ٢٠٢٠ دەسکردە پرۆگرام هاندان ئەرا بەرهەمهاوردن، جویر بەشیگ لە ستراتیژیەی خوەی تا بوودە ناوەندیگ بەرهەمهاوردن جیهانی، وەتایبەتی کە جەنگ بازرگانی ناوەین واشنتۆن و پەکین زیای بوود و کۆمپانیا جیهانییەیل خوازن زنجیرە دابینکردنەیلیان هەمەچەشن بکەن دویر لە چین.
