عيساوی: سه‌ركرده‌ی فه‌رمانده‌يی جزيره‌و باديه وه‌پرسه له‌بان رويداگه‌يل عانه‌و ڕاوه
، ك داوايش له نوری مالكی سه‌رۆك وه‌زيره‌يل كرد جوور سه‌ركرده‌ی هيزه‌يل چه‌كدار كه‌سيگ تر له‌شوونی دابنه‌يد وه‌رجه ئه‌وه‌ك پاريزگاگه بكه‌فيده ده‌س گرووپه‌يل چه‌كدار.
فالح عيساوی جيگر سه‌رۆك ئه‌نجوومه‌ن پاريزگای نه‌ينه‌وا ئه‌را(شه‌فه‌ق نيوز)وت: وه‌رپرسيارێتی رويداگه‌يل دويه‌كه‌ی هه‌ردوگ قه‌زای عانه‌و ڕاوه ئه‌كه‌فيده بان سه‌ركرده‌ی فه‌رمانده‌يی جزيره‌و باديه، چوينكه هيزه‌يلی نه‌ڕه‌سينه‌سه شوون رويداگه‌يل ئه‌را ماوه‌ی سێ سه‌عات له‌ژير كۆنترۆڵ چه‌كداره‌يل قاعيده بويه.
عيساوی هه‌ميش وت: سه‌ركرده‌ی فه‌رمانده‌يی جزيره‌و باديه كابرايگه هويچ هاوكارييگ ناكا وه‌ل ئداره‌ی ناوچه‌يی له پاريزگاگه‌و سه‌رۆك هووزه‌يل و قسه‌ی كه‌سيش ناژنه‌فيدو جواو هويچ په‌يوه‌ندييگ نايه‌يده‌و، ك وجوود جوور سه‌ركرده‌ی فه‌رمانده‌يی مه‌ترسيه ئه‌را پاريزگای ئه‌نبارو دوير نيه جاريگتر جوور ساڵه‌يل ٢٠٠٦ – ٢٠٠٧ قاعيده زاڵ بوود.
ج . أ
